..അമ്മയില്‍ നിന്ന് നിന്നിലേക്ക്..

ഇലക്ട്രിക് ലൈന്‍

>> Thursday, November 19, 2009



മുഖത്തോട് മുഖം നോക്കിയിരിക്കാന്‍-
പഠിപ്പിച്ച തീവണ്ടിയാത്രയില്‍
സ്വപ്നം കാണാന്‍ പ്രേരിപ്പിക്കുന്ന
ഒന്നായിരുന്നു ഇലക്ട്രിക് ലൈന്‍.

തീവണ്ടി നീങ്ങുമ്പോള്‍
എന്നും നിന്റെ കൂടെയെന്ന് പറഞ്ഞ്
പൊന്തിയും താണും
ചിന്തകളെ ഒരു വരയില്‍-
നിര്‍ത്തുന്ന ഇലക്ട്രിക് ലൈന്‍.

എത്ര ശാന്താമാണാ നേര്‍ത്ത വര.
വൈദ്യുതി വളച്ചൊടിച്ച്
ബിരുദത്തിനായോടുമ്പോഴും,
തൊടരുതെന്ന് കേട്ടുപഠിച്ച,
സൂര്യനെപ്പോലും മുറിക്കാന്‍ കെല്‍പ്പുള്ള
ആ കമ്പി തൊടാത്ത സ്വപ്നമായിരുന്നു.

ആ കമ്പിയിലിരുന്ന് സല്ലപിക്കുന്ന ഇണക്കുരുവികളെ
വണ്ടിയുടെ കിളിവാതിലിന്റെ ഫ്രെയിമില്‍
കണ്ടപ്പോള്‍,ഒന്ന് തലോടിയാലോ
എന്ന് തോന്നിയിട്ടുണ്ട്,ആ ലൈനില്‍.
കുരുവികളുടെ പ്രണയ തീവ്രതയാണ്
അവരെ കരിക്കാതെ നിര്‍ത്തുന്നതെന്ന്
അന്നത്തെ നിഷ്കളങ്കത ഉത്തരം തന്നു.

എത്രയെത്ര പ്രണയത്തെ ബന്ധിപ്പിക്കുന്ന,
ഒരു ഉയര്‍ച്ചയും താഴ്ചയും പ്രണയിക്കാന്‍ പഠിപ്പിച്ച
ശക്തമായ ഊര്‍ജ്ജത്തിന്റെ വരയിലാണ്
തങ്ങളിരിക്കുന്നതെന്ന് അവര്‍ക്കറിയുമോ?
ഒരു പക്ഷേ അവരെ തളര്‍ത്താതെ നിലനിര്‍ത്തുന്നത്
ലൈനിലേ ഒഴുകുന്ന തീവ്രപ്രണയങ്ങളാകുമോ?

വൈദ്യുതിയെ കാല്‍ച്ചുവട്ടിലാക്കാന്‍
പരക്കം പായുന്നതിനിടയില്‍,എന്നും
കരിഞ്ഞുപോകാത്ത പ്രണയത്തിന്റെ രേഖയില്‍
കണ്ണോട് കണ്‍ നോക്കി,കൊഞ്ചിക്കുഴഞ്ഞ്
എത്രനാള്‍ നമുക്കിങ്ങനെ ഇരിക്കാന്‍ കഴിയും?

കാലിനടിയിലൂടെ ആയിരം പ്രണയലേഖനങ്ങളും
ചുംബനങ്ങളും ഒഴുകുമ്പോഴും,
വൈദ്യുതി വിഴുങ്ങാത്ത കുരുവികളെ പോലെ എന്നും
നിന്നെപ്പുണര്‍ന്നിരിക്കാന്‍ പറ്റുമോ എനിക്ക്?

നീളുന്ന ഈ തീവണ്ടിപ്പാത പോലെ
ഒരിക്കലും കൂട്ടിമുട്ടാത്ത അകലത്തിലുള്ള
ഇലക്ട്രിക് ലൈനേ,നീ ഇനിയും
സ്വപ്നം കാണിക്കുക,എന്നെ തളര്‍ത്താതിരിക്കുക.

18 comments:

അഭിജിത്ത് മടിക്കുന്ന് November 19, 2009 at 8:50 PM  

കവിതയാണോ എന്നറിയില്ല.
ലേബല്‍ ആര്‍ക്കെങ്കിലും ബുദ്ധിമുട്ടുണ്ടാക്കിയെങ്കില്‍ പറയണേ.മാറ്റാം.
:)

Thabarak Rahman Saahini November 19, 2009 at 9:01 PM  

പ്രണയതീവ്രത പറഞ്ഞറിയിക്കാന്‍
പറ്റാത്ത അനുഭൂതിയാകുന്നു.
പ്രണയ നൈരാശ്യം ഉണ്ടാകുന്നതുവരെ . . . .
നന്നായെഴുതുന്നു. അക്ഷരങ്ങള്‍ കറുത്ത
നിറത്തിലായാല്‍, വായനക്ക്
ബുദ്ദിമുട്ടനുഭവപ്പെടില്ലായിരുന്നു.
സ്നേഹപൂര്‍വം
http://thabarakrahman.blogspot.com/

mini//മിനി November 19, 2009 at 9:46 PM  

വളരെ നന്നായിട്ടുണ്ട്.

ജന്മസുകൃതം November 19, 2009 at 9:48 PM  

... ആശംസകള്‍...........ഇനിയും എഴുതുക
.....ഇനിയും .....ഇനിയും .

Umesh Pilicode November 19, 2009 at 10:58 PM  

നീ ഇനിയും
സ്വപ്നം കാണിക്കുക,എന്നെ തളര്‍ത്താതിരിക്കുക.



nannayittundu

Praveen Alinkeel November 19, 2009 at 11:42 PM  
This comment has been removed by the author.
Praveen Alinkeel November 19, 2009 at 11:43 PM  

orayiram vattam ithiloodiniyumodiyal mathramen thalayile bulb kathum!

KRISHNAKUMAR R November 20, 2009 at 7:06 AM  

നന്നായിരിക്കുന്നു..വേറിട്ട ചിന്ത...വരികള്‍ കുറച്ചുകൂടെ നന്നാക്കാം..വീണ്ടും ശ്രമിക്കുക...അഭിനന്ദനങ്ങള്‍...!

ശ്രീ November 20, 2009 at 9:19 AM  

കൊള്ളാം

sangha November 20, 2009 at 10:09 AM  

njangalude pratheekshakalil ninte swapnam jeeviykunnu... ezhuthuka..

ഷൈജു കോട്ടാത്തല November 20, 2009 at 2:21 PM  

എന്താ പറയുക.
ബ്ലോഗു മുഴുവന്‍ വന്നു വായിയ്ക്കട്ടെ നിന്നെ.
സമയമുള്ളപ്പോള്‍ വിളിക്കുക
കവി സുഹൃത്തുക്കള്‍ അധികമില്ല.
എന്റെ നമ്പര്‍ 9447057567

മത്താപ്പ് November 20, 2009 at 6:52 PM  

നന്നായിട്ടുണ്ട് മാഷേ....

രാമചന്ദ്രൻ വെട്ടിക്കാട്ട് November 21, 2009 at 12:05 PM  

“കുരുവികളുടെ പ്രണയ തീവ്രതയാണ്
അവരെ കരിക്കാതെ നിര്‍ത്തുന്നതെന്ന്..”

കൊള്ളാം അഭീ.. ഇഷ്ടായി.

താരകൻ November 21, 2009 at 10:35 PM  

കാലിനടിയിലൂടെ ആയിരം പ്രണയലേഖനങ്ങളും
ചുംബനങ്ങളും ഒഴുകുമ്പോഴും,
വൈദ്യുതി വിഴുങ്ങാത്ത കുരുവികളെ പോലെ എന്നും
നിന്നെപ്പുണര്‍ന്നിരിക്കാന്‍ പറ്റുമോ എനിക്ക്?
അതിനു കഴിയട്ടെ..എന്തായാലും കവിത കലക്കി..

Ranjith Kannankattil(രഞ്ജിത്ത് കണ്ണൻകാട്ടിൽ) November 23, 2009 at 7:18 PM  
This comment has been removed by the author.
രഞ്ജിത്ത് കണ്ണൻകാട്ടിൽ November 23, 2009 at 7:29 PM  

abhee
valare nannaayittundu.............
pakvatha praapikkunna varikal............


webthoolika.blogspot.com

payyans November 26, 2009 at 12:12 PM  

yes thats nice

അഭിജിത്ത് മടിക്കുന്ന് November 27, 2009 at 5:16 PM  

thabarakrahman ,
mini//മിനി ,
ലീല എം ചന്ദ്രന്‍.. ,
ഉമേഷ്‌ പിലിക്കൊട് ,
the wizard ,
KRISHNAKUMAR R,
ശ്രീ ,
sangha,
ഷൈജു കോട്ടാത്തല ,
മത്താപ്പ് ,
രാമചന്ദ്രന്‍ വെട്ടിക്കാട്ട്. ,
താരകൻ ,
തൂലിക ,
payyans ,


ഇതിലേവന്നതിനും അഭിപ്രായം പറഞ്ഞതിനും നന്ദി.

കുറ്റിപ്പെന്‍സിലിന്റെ മുന കൊണ്ട് മുറിവേല്‍ക്കപ്പെടുന്നവരോട് മാപ്പ് പറയുന്നു

  © കുറ്റിപ്പെന്‍സില്‍ by അഭിജിത്ത് മടിക്കുന്ന് 2008

Back to TOP